chand ki chahat kerti ho
tum pagal larki lagti ho
wo dur falak pey rehta hey
tum kaheeN zameeN pey basti ho
sitarey us ke ham-dam heyN
kyuN baat naheeN samjhti ho?
wo pariyooN key daes ka basi
tum aam si surat lagti ho
wo tarq -e taaluq chahta hey
tum us ki refaqat chahti ho
kyuN raat bher neend naheeN ati
kis sooch meyN doobi rehti ho
jo tum pey beeti muhabbat meyN
us se kyuN naheeN kehti ho
khawaboN meyN khoi rehti ho
kyun mari mari phirti ho
chand sey baateyN kerti ho
raat ki banhooN meyN soti ho
yuN aas lagaey bethi ho
kyuN waqt bar-bad kerti ho
tum se kehna sab bey-qar
kisi ki baat sunti ho??
chand ki chahat kerti ho
tum pagal larki lagti ho
No comments:
Post a Comment