asar usako zara nahi hota
ranj rahat faza nahi hota
tum hamare kisi tarah na hue
varana duniya mein kya nahi hota
narasai se dam ruke to ruke
main kisi se khafa nahi hota
tum mere pas hote ho goya
jab koi dusara nahi hota
hal-e-dil yar ko likhun kyon kar
hath dil se juda nahi hota
kyon sune arz-e-muztarib ae ‘momin’
sanam aakhir khuda nahi hota
Poet of the Poem / Ghazal or Nazam : Momin Khan Momin
No comments:
Post a Comment