Dard Minnat Kashe-Dawaa Na Huaa
Main Na Acha Huaa, Buraa Na Huaa
Jamaa Karate Ho Kyon Raqibo Ko
Ek Tamasha Hua Gila Na Hua
Ham Kaha Qismat Aazamaane Jaaye
Tu Hi Jab Khanjar Aazamaa Na Hua
Kitne Shirin Hain Tere Lab Ke Raqib
Gaaliya Khaake Bemazaa Na Hua
Hai Khabar Garm Unake Aane Kii
Aaj Hi Ghar Me Boriyaa Na Hua
Kyaa Wo Namruud Ki Khudaai Thi
Bandagii Me Meraa Bhalaa Na Hua
Jaan Di, Di Hui Usi Ki Thi
Haq To Yu Hai Ke Haq Adaa Na Hua
Zakhm Gar Dab Gayaa Lahuu Na Thamaa
Kaam Gar Ruk Gaya Rawa Na Hua
Rahazani Hai Ki Dil-Sitaanee Hai
Leke Dil, Dil-Sitaa Rawa Na Huaa
Kuch To Parhiye Ki Log Kahate Hai
Aaj ‘Ghalib’ Gazal-Saraa Na Huaa
-Mirza Ghalib
”Zakhm Gar Dab Gayaa Lahuu Na Thamaa
Kaam Gar Ruk Gaya Rawa Na Hua”
No comments:
Post a Comment