jannat jo mile lake maikhane mein rakh dena
qausar mere chote se paimane mein rakh dena
mayyat na meri ja ke virane mein rakh dena
paimanon mein dafna ke maikhane mein rakh dena
wo jis se samajh jayen rudad mere gham ke
aisa bhi koi tukara afsane mein rakh dena
sajdon pe na dena mujh ko arbab-e-haram tane
kabe ka koi pathar but-khane mein rakh dena
“seemab” ye qudrat ka adana sa karishma hai
khamosh si ik bijli paravane mein rakh dena
Poet of the Poem / Ghazal or Nazam : Seemab Akbarabadi
No comments:
Post a Comment