Niyat e shauq bhar na jaye Kahin | Romantic Poetry

"Nasir kazmi"

Niyat-e-shauq bhar na jaye kahin,

tu bhi dil se utar na jaye kahin..

aj dekha hai tujhe der k bad,
aj ka din guzar na jaye kahin..

na mila kar udas logon se,
husn tera bikhar na jaye kahin..

arzu hai k tu yahan aye,
aur phir umr bhar na jaye kahin..

ji jalata hun aur ye sochta hun,
rayegan ye hunar na jaye kahin..

ao kuch der ro hi len 'Nasir',
phir ye dariya utar na jaye kahin..!

Tags: Nasir Kazmi Poetry, Nasir Kazmi, kuch dair ro hi lain, husn shayari, udas log, niyat e shauq, dard bhari shayari, urdu ghazal, urdu poetry, husn poetry