Ye Haqiqat Hai Ki Hotaa Hai Asar Baaton Mein
Tum Bhii Khul Jaaoge Do-Chaar Mulaaqaaton Mein
Tum Se Sadiyon Kii Vafaaon Kaa Koii Naataa Na Thaa
Tum Se Milne Kii Lakiiren Thii Mere Haathon Mein
Tere Vaadon Ne Hamen Ghar Se Nikalne Na Diyaa
Log Mausam Kaa Mazaa Le Gaye Barasaaton Mein
Ab Na Suuraj Na Sitaare Na Shamaa Na Chaand
Apne Zakhmon Kaa Ujaalaa Hai Ganii Raaton Mein
No comments:
Post a Comment