Kabhi Muskura Kar Jo

**GHAZAL**
Yunhi ajnabi na bana karo
kabhi muskara k mila karo
kabhi sun to lo mera hal_e_dil
kabhi mujh se koi gila karo
teri ik nazar teri ik ada
meray dil ko kardia la pata
mere dost mere hamnawa
mere dil ka koi pata karo
ye tareka e ishq koi to ho
ya wafa karo ya jafa karo
koi faisla mere mehrban
koi rasm tum bhi ada karo
na hi zeest ka koi rasta
na hi khud kashi ka he hosla
mujhay piyar do ya mujhe maar do
kuch kaam tum bhi kia karo……