chashm-e-mayagun zara idhar kar de
dast-e-kudarat ko be-asar kar de
tez hai aj dard-e-dil saqi
talkhi-e-may ko tez-tar kar de
josh-e-vahashat hai tishnakam abhi
chak-e-daman ko tazagar kar de
meri qismat se khelane wale
mujh ko qismat se bekhabar kar de
lut rahi hai meri mata-e-niyaz
kash! wo is taraf nazar kar de
‘faiz’ takmil-e-arazu malum
ho sake to yun hi basar kar de
Poet of the poem/ghazal or Nazam: Faiz Ahmed Faiz
No comments:
Post a Comment