Duniya ne hum pe jab koi ilzam rakh diya
hum ne muqabil us ke tera naam rakh diya
ik khas had pe aa gai jab teri berukhi
naam us ka hum ne gardish-e-ayyam rakh diya
main ladkhada raha hun tujhe dekh-dekh kar
tune to mere samane ik jam rakh diya
kitna sitamzarif hai wo sahib-e-jamal
us ne diya jala ke lab-e-bam rakh diya
insan aur dekhe bagair us ko man le
ik khauf ka bashar ne khuda naam rakh diya
ab jis ke jee mein aaye wohi paye roshni
hum ne to dil jala ke sar-e-am rakh diya
kya masalahatshanas tha wo aadmi ‘qateel’
majaburiyon ka jis ne wafa naam rakh diya
Poet of the Poem / Ghazal or Nazam : Qateel Shifai
No comments:
Post a Comment