Maa tum kahan ho tumhay dhoondta hon
gali koochon may bay sabab ghoomta hon
apnay aanso rida say teri ponchta hon
bus khawabon may teri mehak soonghta hon
or khayalon may may teray sung ghoomta hon
ab to jhoola bhi mujhay jhulati nahi ho
ab to lori bhi mujhay sunati nahi ho
goud may apni lay ka sulati nahi ho
jo mau rooth jaon to manati nahi ho
or jub bhi bulaon tum ati nahi ho
par yaadaain may tujh ko bulata hon may
or gum saray dil kay sunata hon may
sub hi ki shikayat lagata hon may
teray daman may aanso chupata hon may
is terhan dil ko jalata hon may
par man tu bohat bay wafa ho gai
apnay bachay say to kun juda ho gai
bata day may dhoondun kahan tujh ko Maa
bata day milay gi kahan mujh ko ma..
No comments:
Post a Comment