Kabhi kabhi yaad mein ubharate hain naqsh-e-mazi mite mite se
wo aazamaish si dil-o-nazar ki, wo qurabaten si wo fasale se
kabhi aarzoo ke sehra mein aake rukate hain qafile se
wo sari baten lagav ke si wo sare unavan visal ke se
nigah-o-dil ko qarar kaisa nishat-o-gam mein kami kahan ke
wo jab mile hain to un se har bar ke hai ulfat naye sire se
bahut giran hai ye aish-e-tanha kaheen sabukatar kaheen gavara
wo dard-e-pinhan ki sari duniya rafiq thi jisake vaste se
tumhin kaho rind-o-muhtasib mein ho aj shab kon farq aisa
ye aake baithe hain maikade mein wo uth ke aaye hain maikade se
Poet of the Poem / Ghazal or Nazam : Faiz Ahmed Faiz
No comments:
Post a Comment