umr jalvon mein basar ho ye zaruri to nahi
har shab-e-gam ke sahar ho ye zaruri to nahi
chashm-e-saqi se piyo ya lab-e-sagar se piyo
bekhudi aathon pahar ho ye zaruri to nahi
neend to dard ke bistar pe bhi aa sakati hai
unaki aagosh mein sar ho ye zaruri to nahi
shekh karta to hai masjid mein khuda ko sajade
usake sajadon mein asar ho ye zaruri to nahi
sab ke nazron mein ho saqi ye zaruri hai magar
sab pe saki ke nazar ho ye zaruri to nahi
Poet of the Poems / Ghazal or Nazam :Khamosh Dehlvi
No comments:
Post a Comment