Khatm Ik Din Ye Teeragii Hogi
Mere Aangan Mein Raushnee Hogi
Bewafayi Ka Kab Iraada Tha
Zeest Majboor Ho Gayi Hogi
Jab Kabhii Us Ka Saamna Hoga
Woh Qayaamat Ki Hii Gharii Hogi
Meri Raahon Pe Ehtiaat Se Chal
Koi Khwahish Mari Parii Hogi
Aap Aansoo Samajh Rahay Hen Jise
Koi Hasrat Tapak Rahii Hogi
Waqt-E-Rukhsat Mujhe Bhi Ghum Hoga
Teri Aankhon Mein Bhi Nami Hogi
Dheere Dheere Mujhe Bhula Do Ge
Phir Tarap Bhi Kabhii Kabhii Hogi
Zindagi Darbadar Thi Pehle Hi
Phir Safar Per Nikal Parii Hogi
Haal Anmol Ka Batayen Kya
Baithi Qismat Ko Ro Rahii Hogi
No comments:
Post a Comment