Beniyaz-e-gam-e-paiman-e-vafa ho jana
tum bhi auron ke tarah mujh se juda ho jana
main bhi palkon pe saja lunga lahu ke bunden
tum bhi pabasta-e-zanjir-e-hina ho jana
khalq ke sangzani meri khataon ka sila
tum to masum ho tum dur zara ho jana
ab mere vaste tariyaq hai ilhad ka zeher
tum kisi aur pujari ke khuda ho jana
Poet of the Poem / Ghazal or Nazam :Ahmed Faraz
No comments:
Post a Comment