aankh ko jam samajh baitha tha anjane mein
saqiya hosh kahan tha tere divane mein
jane kis bat ke un ko hai shikayat mujh se
naam tak jin ka nahi hai mere afasane mein
dil ke tukadon se teri yaad ke khushbu na gai
bu-e-mai baqi hai tute hue paimane mein
dil-e-barbad mein ummid ka aalam kya hai
tim-timati hui ik shamma hai virane mein
Poet of the Poem / Ghazal or Nazam : Shamim Shahabadi
No comments:
Post a Comment