Tadap uthun bhi to zalim teri duhai na dun
main zakhm zakhm hun phir bhi tujhe dikhai na dun
tere badan mein dhadakane laga hun dil ke tarah
ye aur baat ke ab bhi tujhe sunai na dun
khud apne aap ko parakha to ye nadamat hai
ke ab kabhi use ilzam-e-bevafai na dun
mujhe bhi dhundh kabhi mahv-e-ainadari
main tera aqs hun lekin tujhe dikhai na dun
Poet of the Poem / Ghazal or Nazam: Ahmed Faraz
No comments:
Post a Comment