Chaand Nikla Tha Magar Raat Na Thi Pahli Si

ab na yaad teri kabhi aye gi janaa’n mujhko..
ab na hona he kabhi sar ba gareba’n mujhko..

tm thay to baharo’n me ajab ronaq thi..
na lage ab to bahara’n bhi bahara’n mujhko..

u sada dete he’n ab koocha e yaar k log..
kabhi pagal kabhi majnoo’n kabhi nada’n mujhko..

ab kaha’n lout k jana he ye maloom nhi..
k ab to ghar bhi lage soorat e zindaa’n mujhko..

ye karam teri muhabbat se mila he janaa’n..
kar gye shehr me angusht e badandaa’n mujhko..

mujko gulshan me rehne ki tamanna thi Aseer..
le gye dost mere soo e bayabaa’n mujhko..

Ejaz Aseer..