Teray Naam Ho To Ghazal Kahain

Wohee Shaam Kohar Si Shaam Phir
Teray Naam Ho To Ghazal Kahain
Wohee Shaam Jis Ki Ragon Mein Thay
Tere Khaab Ankhon K Rat Jagay
Wohee Subha-E-Dhoop Ki Laali
Teray Aarizon Per Khilay To Phir
Rag-E-Jaan Se Nazm Kasheed Ho
Wohee Rang Ho Wohee Roshni
Wohee Khushbuon Ka Hajoom Ho
Wohee Ek Pal Tere Deed Ka
Jo Miley To Daar Ki Aut Mein
Sabhi Qehqahay Chhalak Uthein
Sar-E-Loh , Shaam-E-Firaaq Phir
Gham-E-Ishq Moj-E-Naveed Ho
Aey Sitara-E-Shab-E-Zindagi
Idher Aa K Jashn Ho Moatabar
Nazar Aa K Dhang Se Eid Ho