Yun Shikast Se Dar Nahi Jatay
Koi Bichrrey To Mar Nahi Jatay
Doosri Baar Pyar Karney Se
Zakhm Pehlay K Bhar Nahi Jatay
Main Urranein To Kab Ki Bhool Chuka
Bas Mery Bal-O-Par Nahi Jatay
Aankh Khulney Se Toot-Ti Hay Neend
Khuwab Gir Kar Bikhar Nahi Jatay
Hijr K Sahilon Se Takra Kar
Dil K Darya Utar Nahi Jatay
Main To Shayer Hoon..So Hoon Awara
Aap Kiun Apney Ghar Nahi Jatay?
Yaaron Uss Bewafa Se Milney Ko
Dil To Chahey,Magar Nahi Jatay…!!
No comments:
Post a Comment