Yeh Baat Samajh Main Aii Nahi

Yeh Baat Samajh Main Aii Nahi
Mama Ney Mujhey Samjahi Nahi
Main Kaisey Mithi Baat Karo
Jab Mey Ney Mithai Khai Nahi

Baji Bhi Pakati Hain Halwa
Phir Woh Bhi Kyon Halwai Nahi
Yeh Baat Samaj Main Aii Nahi

Jab Naya Mahina Ata Hai
Bijli Ka Bill Ajata Hai
Halnakey Badal Bey Chara
Yeh Bhi Muft Lutata Hai
Phir Hum Ney Apney Ghar Bijli
Kyon Badal Sey Lagwai Nahin

Agar Bili Shair Ki Khala Hai
Phir Hum Ney Isey Kyon Palla Hai?
Kia Shair Bohot Nalaik Hai
Khala Ko Maar Nikala Hai
Yah Jungle Key Raja Key Han
Kia Milti Doodh Malai Nahi
Yeh Baat Samajh Main Aii Nahi

Kyon Lambay Baal Hai Bhalo Key
Kyon Uss Ki Tind Karai Nahi
Kia Woh Bhi Ganda Bacha Hai?
Ya Uss Key Abbo, Bhai Nahi?
Yeh Iss Ka Hair Style Hai
Ya Jungle May Koi Naie Nahi?

Yeh Baat Samjah Main Aii Nahi
Jo Tarey Jilmil Kartey Hai
Kia Unn Ki Chachi, Taii Nahii
Hoga Koi Rishta Suraj Sey?
Yeh Baat Hamain Batlai Nahin?

Phir Chanda Kaisa Mamoon Hai
Jab Ammi Ka Woh Bhai Nahi
Yeh Baat Samajh Main Aii Nahi
Ammi Ney Mujhey Samjahi Nahi !!!!!