Tere nisar saqiya jitani piyun pilaye ja
mast nazar ka vasta mast mujhe banaye ja
tujh ko kisi se garaz kya bijli kaheen giraye ja
dil jale ya jigar jale tu yun hi muskuraye ja
samane mere aa ke dekh rukh se naqab hata ke dekh
khilaman-e-dil hai muntazair barq-e-nazar giraye ja
‘wafa’-e-badanasib ko bakhsha hai tune dard jo
hai koi is ke bhi dawa itna zara bataye ja
Poet of the Poem / Ghazal or Nazam : Rustom Sehgal Wafa
No comments:
Post a Comment