Subah-dam yun hi fasurda ho gaya
ae dil-e-nazuk tujhe kya ho gaya
sina-e-baranat se shola sa utha
gam-zadon ke dil ka nagma ho gaya
shukriya ae gardish-e-jam-e-sharab
main bhari mahafil mein tanha ho gaya
raat dil ko tha sahar ka intazar
ab ye gham hai kyon savera ho gaya
bujh gai kuch is tarah shama-e-“salam”
jaise ik bimar acha ho gaya
Poet of the Poem / Ghazal or Nazam : Salaam Machhli Shehri
No comments:
Post a Comment