hisar-e-maqtal-e-jan mein lahu lahu main tha
rasan rasan meri vahshat gulu gulu main tha
jo rah gaya nigah-e-sozan-e-mashiyat se
qaba-e-zist ka wo chak-e-berafu main tha
zamana hansata raha meri khud-kalami par
tere khayal mein masaruf-e-guftagu main tha
tu apni zat ke har pech-o-kham se puch ke dekh
dar-ba-dar meri dastak thi ku-ba-ku main tha
mere raqibon mein kab thi ye hausalamandi
navard-e-ishq mein khud apne ru-ba-ru main tha
ma’al-e-umr-e-muhabbat hai bas yahi “tashna”
meri talash tha wo usaki justaju main tha
Poet of the Poem / Ghazal or Nazam : Alam Tab ‘Tashna’
No comments:
Post a Comment