Lakhon ke suna tum ne taqadir sanvari hai
mujh se yahi kah dete ab ke teri bari hai
dali hai nazar jab se ek nasha sa tari hai
kya koi pari saqi shishe mein utari hai
kya us ko rijhayenge jannat ke hasin jalve
dahaliz tere dar ke jis shakhs ko pyari hai
virase mein mili hum ko shahi bhi faqiri bhi
aur gham to “shafaq” goya jagir hamari hai
Poet of the Poem / Ghazal or Nazam : Syed Shafaz Shah Chishti
No comments:
Post a Comment