rahi hai dad talab unaki shokhiyan hum se
ada shanas to bahut hain magar kahan hum se
suna diye the kabhi kuch galat-salat qisse
wo aj tak hain usi tarah badaguman hum se
ye kunj q na ziarat gahe muhabbat ho
mile the wo inhin pedon ke darmiyan hum se
hamin ko fursat-e-nazzaragi nahi varana
ishare aj bhi karati hain khidakiyan hum se
har ek raat nashe mein tere badan ka khayal
na jane toot gai kai surahiyan hum se
Poet of The Poem / Ghazal or Nazam :Jan Nisar Akhtar
No comments:
Post a Comment