Khamoshi kah rahi hai kan mein kya
aa raha hai mere guman mein kya
ab mujhe koi tokata bhi nahi
yahi hota hai khanadan mein kya
bolate kyon nahi mere haq mein
aabale par gaye zuban mein kya
meri har baat be-asar hi rahi
nuqs hai kuch mere bayan mein kya
wo mile to ye puchana hai mujhe
abhi hun main teri aman mein kya
sham hi se dukan-e-did hai band
nahi nukasan tak dukan mein kya
yun jo takata hai aasaman ko tu
koi rehta hai aasaman mein kya
ye mujhe chain q nahi padta
ik hi shakhs tha jahan mein kya
Poet of the Poem / Ghazal or Nazam : Jaun Eliya
No comments:
Post a Comment