Ab Ke Baar Phir Ye Saal Badla
Phir Waqt Ka Khad-O-Khaal Badla
Imtehaan-E-Zeest Ka Sawaal Badla
Aur Andaz Lamhon Ka Kamaal Badla
Lekin Mere Afsana-E-Hayat Ka Har Warq Abhi Adhoora Hai
Sab Samaan-E-Zeest Hai Thora Sa Kuch Bhi Nahi Puraa Hai
Haan Woh Adhoora Sa Ik Khawaab
Haan Woh Adhoora Sa Ik Izteraab
Haan Woh Adhoora Sa Ik Hisaad
Haan Woh Adhoora Sa Ik Jawaab
Haan Mere Afsana-E-Hayat Ka Har Warq Abhi Adhoora Hai
Sab Saman-E-Zeest Hai Thora Sa Kuch Bhi Nahi Puraa Hai
Dil Ke Aaiina-Khaney Ki Adhaori Tasveer
Taqdeer Ki Kitaab Ki Woh Adhoori Tehreer
Kisi Dil Ki Basti Mein Ik Adhoori Jaageer
Kismet Ke Haathon Per Ik Adhoori Lakeer
Haan Mere Afsana-E-Hayat Ka Har Warq Abhi Adhoora Hai
Sab Samaan-E-Zeest Hai Thora Sa Kuch Bhi Nahi Puraa Hai
No comments:
Post a Comment