tum mere pas raho
mere qatil, mere dildar, mere pas raho
jis ghadi raat chale
aasamanon ka lahu pi kar siyah raat chale
marham-e-mushk liye nashtar-e-almas chale
bain karati hui, hansati hui, gati nikle
dard ke kasani pazeb bajati nikle
jis ghadi sinon mein dubate huye dil
aastinonmen nihan hathon ke reh takane nikle
aas liye
aur bachon ke bilakhane ke tarah qul-qul-e-may
bahr-e-nasudagi machale to manaye na mane
jab koi baat banaye na bane
jab na koi baat chale
jis ghadi raat chale
jis ghadi matami, sun-san, siyah raat chale
pas raho
mere qatil, mere dildar, mere pas raho
Poet of the poem / Ghazal or Nazam :Faiz Ahmed Faiz
No comments:
Post a Comment