Dil ke siyahiyon mein tujhe dhundhata hua
palkon pe aa ruka hai sitaron ka qafila
khalvat mein muddaton main jise pujata raha
dekha qarib se to wo ik sang-e-surkh tha
kuch is tarah saba se kahi teri dastan
har phul muskura ke mujhe dekhane laga
lao kaheen se dhundhake yadon ke roshani
tarik ho gaya hai muhabbat ka rasta
han meri zindagi ke hararat inhin se hai
tutega kis tarah teri yadon ka silasila
jaise koi chirag andhere mein jal uthe
dil ke qarib aake koi yun thahar gaya
daman mein aansuon ke sharare liye huye
aankhen mana rahi hain shab-e-gam ka ratjaga
jis ne bade khulus se thukra diya mujhe
‘iqbal’ sochata hun ki wo shakhs kon tha
Poet of the Poem / Ghazal or Nazam : Poet Unknown
No comments:
Post a Comment