Wo kafir aashana na aashna yun bhi hai aur yun bhi
hamari ibtada ta intaha yun bhi hai aur yuin bhi
ta’ajjub kya agar rasm-e-vafa yun bhi hai aur yun bhi
ki husn-o-ishq ka har masal’a yun bhi hai aur yun bhi
kaheen zarra kaheen sehra kaheen qatara kaheen dariya
muhabbat aur us ka silasila yun bhi hai aur yun bhi
wo mujhase puchate hain ek maqasad meri hasti ka
bataun kya ki mera mudd’a yun bhi hai aur yun bhi
hum un se kya kahen wo jane un ke maslahat jane
hamara hal-e-dil to baramala yun bhi hai aur yun bhi
na pa lena tera aasan na kho dena tera mumakin
musibat mein ye jan-e-mubtala yun bhi hai aur yun bhi
Poet of the Poem / Ghazal or Nazam : Jigar Moradabadi
No comments:
Post a Comment