muhabbaton mein dikhave ke dosti na mila
agar gale nahi milta to hath bhi na mila
gharon pe naam the namon ke sath ohade the
bahut talash kiya koi aadmi na mila
tamam rishton ko main ghar pe chod aaya tha
phir isake bad mujhe koi ajanabi na mila
bahut ajeeb hai ye qurbaton ke duri bhi
wo mere sath raha aur mujhe kabhi na mila
khuda ke itni badi qayanat mein main ne
bas ek shakhs ko manga mujhe wo hi na mila
Poet of the Poem / Ghazal or Nazam :Bashir Badr
No comments:
Post a Comment