Dil ke sehara mein koi aas ka juganu bhi nahi
itna roya hun ki ab aankh mein aansu bhi nahi
qasa-e-dard liye phirati hai gulashan ke hawa
mere daman mein tere pyar ke khushbu bhi nahi
chin gaya meri nigahon se bhi ehasas-e-jamal
teri tasvir mein pahala sa wo jadu bhi nahi
mauj dar mauj tere gham ke shafaq khilati hai
mujhe is sil-sila-e-rang pe qabu bhi nahi
dil wo kam-bakht ki dhadhake hi chala jata hai
ye alag bat ki tu zinat-e-pahalu bhi nahi
ye ajab rahaguzar hai ki chattanen to bahut
aur sahare ko teri yaad ke baju bhi nahi
Poet of the Poem / Ghazal or Nazam : Noor Bijnauri
No comments:
Post a Comment