Darate hain chashm-o-zulf, nigah-o-ada se hum
har dam panah mangate hain har bala se hum
mashuq jaye hur mile, may bajaye aab
mahashar mein do saval karenge khuda se hum
go hal-e-dil chupate hain par is ko kya karen
aate hain khud khud nazar ik mubatala se hum
dekhen to pahale kon mite usaki rah mein
baithe hain shart bandh ki har naqsh-e-pa se hum
Poet of the Poem / Ghazal or Nazam : DaaG Dehlvi
No comments:
Post a Comment