mohabbat soz bhi hai saz bhi hai
khamoshi bhi hai aavaz bhi hai
nasheman ke liye betab tair
vahan pabandi-e-paravaz bhi hai
khamoshi pe bharosa karne valo
khamoshi gham ka gammaz bhi hai
meri khamoshi-e-dil par na jao
ki is mein ruh ke aavaz bhi hai
dil-e-begana-khu, duniya mn tera
koi hamadam koi hamaraz bhi hai
hai meraj-e-khirad bhi arsh-e-azim
junun ka farsh-e-pa andaz bhi hai
Poet of the Poem / Ghazal or Nazam :Arsh Malsiyani
No comments:
Post a Comment