Zaban-e-hind hai urdu to mathe ke shikan q hai
vatan mein be-vatan q hai
meri mazalum urdu teri sanson mein ghutan q hai
tera lahaja mahakata hai to lafzon mein thakan q hai
agar tu phul hai to phul mein itni chubhan q hai
vatan mein be-vatan q hai
ye nanak ke ye khusro ke daya shankar ke boli hai
ye divali ye baisakhi ye id-ul-fitr holi hai
magar ye dil ke dhadakan aj kal dil ke jalan q hai
vatan mein be-vatan q hai
ye nazon se pali thi mir ke galib ke aangan mein
jo suraj ban ke chamaki thi kabhi mahalon ke daman mein
wo shah-zadi zabanon ke yahan be-anjuman q hai
vatan mein be-vatan q hai
muhabbat ka sabhi elan kar jate hain mahafil mein
ke is ke vaste jazba hai ham-dardi ka har dil mein
magar haq mangane ke waqt ye beganapan q hai
vatan mein be-vatan q hai
ye doshiza jo bazaron se ithalati guzarati thi
labon ke nazuki jis ke gulabon si bikharati thi
jo tahazibon ke sar ke odhani thi ab kafan q hai
vatan mein be-vatan q hai
muhabbat ka agar dawa hai to is ko bachao tum
jo wada kal kiya tha aj wo wada nibhao tum
agar tum ram ho to phir ye ravan ka chalan q hai
vatan mein be-vatan q hai
Poet of the Poem / Ghazal or Nazam : Manzar Bhopali
No comments:
Post a Comment