Bas ik nigah-e-karam hai kafi agar unhen pesh-o-pas nahi hai
zahe tamanna ke meri fitarat asir-e-hirs-o-havas nahi hai
nazar se sayyad dur ho ja yahan tera mujh pe bas nahi hai
chaman ko barbad karanevale ye aashiyan hai qafas nahi hai
kisi ke jalve tadap rahe hain hudud-e-hosh-o-khirad ke aage
hudud-e-hosh-o-khirad ke aage nigah ke dastaras nahi hai
jahan ke nayarangiyon se yaksar badal gai aashiyan ke surat
qafas samajhati hain jin ko nazaren wo dar-haqiqat qafas nahi hai
kahan ke nale kahan ke aahen jami hain un ke taraf nigahen
kuch is qadar mahv-e-yad hun main ki fursat-e-yak-nafas nahi hai
tasavvur-e-ishrat-e-guzishta ka husn-e-tasir ALLAH ALLAH
vahi fazayen vahi havayen chaman se kuch kam qafas nahi hai
kisi ke be’etanaiyon ne badal hi dala nizam-e-gulashan
jo bat pahale bahar mein thi wo bat ab ke baras nahi hai
ye bu-e-sumbul, ye khanda gul aur aah! ye dard bhari sadayen
qafas ke andar chaman ho shayad chaman ke andar qafas nahi hai
na hosh-e-khilvat na fikr-e-mahafil ayan ho ab kis pe halat-e-dil
main aap hi apana ham-nafas hun mera koi ham-nafas nahi hai
karen bhi kya shikava-e-zamana kahen bhi kya dard ka fasana
jahan mein hain lakh dushman-e-jan koi masiha nafas nahi hai
suni hai ahal-e-junun ne aksar khamoshi-e-marg ke sadayen
suna ye tha karavan-e-hasti rahin-e-bang-e-jaras nahi hai
chaman ke aazadiyan muakhkhar tasavvur-e-ashiyan muqaddam
gam-e-asirihai na-mukammal agar gam-e-khar-o-khas nahi hai
na kar mujhe sharmsar naseh main dil se majabur hun ki jis ka
hai yun to kaun-o-makan pe qabu magar muhabbat pe bas nahi hai
kahan wo ummid aamad aamad kahan ye ifae ahad-e-farda
jab aitabar-e-nazar na tha kuch ab aitabar-e-nafas nahi hai
waheen hain nagmen vahi hai nale sun ae mujhe bhool jane wale
teri sama’at se dur hun main jabhi to nalon mein ras nahi hai
“shakeel” duniya mein jis ko dekha kuch us ke duniya hi aur dekhi
hazar naqqad-e-zindagi hain magar koi nuktaras nahi hai
Poet of the Poem / Ghazal or Nazam : Shakeel Badayuni
No comments:
Post a Comment