Karam Hai Ki Tum Ne Bulaaya Hai Hum Ko
Kaleyzey Se Apney Lagayaa Hai Hum Ko
Tumhain Jaankar Bhi Nahi Jaanta Tha
Shub-O-Roz Jalwa Dikhayaa Hai Hum Ko
Jahannum Waheen Hai Jahaan Tum Nahi Ho
Tarannum Mein Pariyon Ney Gaayaa Hai Tum Ko
Tumhara Kaheen Bhi Muqaabil Nahi Hai
Khuda Ney Alug Sey Banaayaa Hai Tum Ko
Ye Gunchey Ye Rungeeniyan: Kuchh Naheen Hain
Shafuq Ney Bahut Aazmaayaa Hai Tum Ko
Talaashaa Thaa Katme-E-Adum Mein Bhi Mainey
Magar Mulq-E-Fanee Mein Paayaa Hai Tum Ko
Tumhain Hur Dahur Mein Pukara Hai Mainey
‘Abd’ Har Lumhey Gungunayaa Hai Tum Ko
No comments:
Post a Comment