pyas wo dil ke bujhane kabhi aaya bhi nahi
kaisa badal hai jisaka koi saya bhi nahi
berukhi is se badi aur bhala kya hogi
ek muddat se hamen us ne sataya bhi nahi
roz aata hai dar-e-dil pe wo dastak dene
aj tak hum ne jise pas bulaya bhi nahi
sun liya kaise khuda jane zamane bhar ne
wo fasana jo kabhi hum ne sunaya bhi nahi
tum to shayar ho ‘qateel’ aur wo ik aam sa shakhs
us ne chaha bhi tujhe aur jataya bhi nahi
Poet of the Poem / Ghazal or Nazam :Qateel Shifai
No comments:
Post a Comment