Sundar Sundar Roop Tumhara

Sundar Sundar Roop Tumhara Gora Mukhra Kitna Pyaara
Dekhe Koi Nazar Lag Jaaye Ek Pal Bhi Woh Reh Na Paye

Par Phir Bhi Tum Na Jaane Kyon Mujhko Nahin Suhati Ho
Jaanam Tum Meri Nazaron Mein Aur Bhi Girti Jaati Ho

Jaanu Jaanam Darling Jaise; Shabd Tumhare Kahan Kho Gaye
Aaj To Bas Tum Yun Kehati Ho Are Kahan Ho Kahan Mar Gaye

Pehle Koyal Thi Par Ab Tum Kauwwe Si Chillati Ho
Jaanam Tum Meri Nazaron Mein

Karkash Hai Aawaj Tumhari Sab Dushton Par Ho Tum Bhari
Chillati Ho Jab Tum Mujh Par Meri Matee Jaati Hai Maari

Mere Mann Mein Apno Ke Prati Kitna Vish Bharwaati Ho
Jaanam Tum Meri Nazaron Mein

Saas Sasur Kuch Bhi Le Aayen Sab Kuch Hai Bakwaas
Maayeke Se Kutta Bhi Le Aao To Woh Ho Jaaye Khaas

Meri Tankwah(Salary) Tum Haraam Ke Dhan(Money) Ki Tarah Udati Ho
Jaanam Tum Meri Nazaron Mein