Dastur ibadat ka duniya se nirala ho
ik hath mein mala ho ik hath mein pyala ho
pujenge saliqe se andaz magar apana
ho yad-e-khuda dil mein saqi ne sambhala ho
masti bhi taqaddus bhi ek sath chale donon
ik simt ho maikhana ik simt shivala ho
masjid ki taraf se tu jana na kabhi saqi
zahid bhi kabhi tera na chahanevala ho
wo dub ki mar jayen madira ki surahi mein
mashuq ne gar dil ki mahafil se nikala ho
Poet of the Poem / Ghazal or Nazam : Dalip Tahir
No comments:
Post a Comment