azmat-e-zindagi ko bech diya
hum ne apani khushi ko bech diya
chashm-e-saqi ke ik ishare pe
umr ke tishnagi ko bech diya
rind jam-o-subu pe hanste hain
shaikh ne bandagi ko bech diya
rahguzaron pe lut gai radha
sham ne bansuri ko bech diya
jagamagate hain vahashaton ke dayar
aql ne aadmi ko bech diya
lab-o-rukhsar ke ivaz hum ne
sitvat-e-khusravi ko bech diya
ishq beharupiya hai ae ‘sagar’
aap ne sadagi ko bech diya
Poet of the poem/ghazal or Nazam: Sagar Siddiqui
No comments:
Post a Comment