Dil mein kisi ke rah kiye ja raha hun main – Jigar Moradabadi

Dil mein kisi ke rah kiye ja raha hun main
kitna hasin gunah kiye ja raha hun main
duniya-e-dil tabah kiye ja raha hun main
sarf-e-nigah-o-ah kiye ja raha hun main
fard-e-amal siyah kiye ja raha hun main
rahamat ko bepanah kiye ja raha hun main

aisi bhi ik nigah kiye ja raha hun main
zarron ko mahar-o-mah kiye ja raha hun main
mujh se lage hain ishq ke azamat ko char chand
khud husn ko gavah kiye ja raha hun main
masumi-e-jamal ko bhi jis pe rashk ho
aise bhi kuch gunah kiye ja raha hun main
aage qadam badhayen jinhen sujhata nahi
raushan chirag-e-rah kiye ja raha hun main
tanaqid-e-husn maslahat-e-khas-e-ishq hai
ye jurm gah-gah kiye ja raha hun main
gulashanparast hun mujhe gul hi nahi aziz
kanton se hi nibhah kiye ja raha hun main
yun zindagi guzar raha hun tere bagair
jaise koi gunah kiye ja raha hun main
mujh se ada hua hai ‘jigar’ justaju ka haq
har zarre ko gavah kiye ja raha hun main

Poet of the Poem / Ghazal or Nazam : Jigar Moradabadi