main ne dekha divanon ko sham ke bad
dhundh rahe the viranon ko sham ke bad
tariki phir sare aib chupa legi
le aana ghar mahamanon ko sham ke bad
main ne us ka sog manaya kuch aisa
khali rakha paimanon ko sham ke bad
yaad kare jab mujh ko teri tanhai
dekha karana guldanon ko sham ke bad
“farhat” chand ke khauf se kar leta hun band
kamare ke raushandanon ko sham ke bad
Poet of the Poem / Ghazal or Nazam :Farhat Abbas Shah
No comments:
Post a Comment