Bekhvab sa’aton ka parastar kon hai
itani udas raat mein bedar kon hai
kis ko ye fiqr ke qabile ko kya hua
sab is pe lad rahe hain ki saradar kon hai
divar par saja to diye bagiyon ke sar
ab ye bhi dekh lo ki pas-e-deevar kon hai
sab kashtiyan jala ke chale sahilon se hum
ab tum se kya batayen ke us par kon hai
ye faisala to shayad waqt bhi na kar sake
sach kon bolata hai adakar kon hai
Poet of the Poem / Ghazal or Nazam :Meraj Faizabadi
No comments:
Post a Comment