Itane dinon ke bad tu aaya hai aj
sochata hun kis tarah tujh se milun
mere andar jag uthi ik chandani
main zamin se aasaman tak ek ang hun
aur ujala ho gaya qurbat ka chand
aur gahara ho gaya tera fusun
ae sarapa rang-o-nikahat tu bata
kis dhanak se tera pairahan bunun
sare gulbute tar-o-taza hue
dur tak pahunchi hai meri mauj-e-khun
kar rahe hain lamhe lamhe ka hisab
mil ke phir baithe hain yaran-e-junun
dasht-e-gam ke dhup mein mujh par khula
main khud apna saya-e-divar hun
naz kar khud par ki tu hai beshumar
qadr kar meri ki main bas ek hun
Poet of the Poem / Ghazal or Nazam : Athar Nafees
No comments:
Post a Comment