unake ek jan-nisar hum bhi hain
hain jahan sau-hazar hum bhi hain
tum bhi bechain hum bhi hain bechain
tum bhi ho beqarar hum bhi hain
ae falaq kah to kya irada hai
aish ke khvastagar hum bhi hain
shahar khali kiye dukan kaisi
ek hi vada-khvar hum bhi hain
sharm samajhe tere tagaful ko
vah! kya hoshiyar hum bhi hain
tum agar apni khu ke ho mashuq
apne matalab ke yar hum bhi hain
jis ne chaha phansa liya hamako
dil-baron ke shikar hum bhi hain
kon sa dil hai jis mein daag nahi
ishq ke yadagar hum bhi hain
Poet of the Poems / Ghazal or Nazam :DaaG Dehlvi
No comments:
Post a Comment