Dukhon Ki Shiddatein Zakhmon Ki Gehra’ee Mujhey De Dau
Masiha Tum Sahi Azn-E-Masiha’ee Mujhey De Dau
Tum Apni Zaat Main Khud Anjuman Ho Tum Ko Kiya Gham Hai
Main Tanha Hun Ye Zoq-E-Bazm Araa’ee Mujhey De Dau
Tum Apne Dil Ke Darwaazey Muqafil Shoq Se Kar Lo
Bas Apni Zaat Se Azn-E-Shanasa’ee Mujhey De Dau
Tumharey Baad Her Manzer Mujhay Bey’rang Lagta Hai
Ye Aankhein Chheen Lo Ya Apni Beyna’ee Mujhey De Dau
Main Sansoon Main Samoo Luun Ga Tumhari Her Amanat Ko
Ye Wehshat Naak Sanna’tey Ye Tanha’ee Mujhey De Dau
No comments:
Post a Comment