mere qabu mein na peharon dil-e-nashad aaya
wo mera bhulane vala jo mujhe yaad aaya
dil-e-viran se raqibon ne muraden pain
kam kis kis ke mera khirman-e-barbad aaya
lijiye suniye ab afasana-e-furqat mujh se
aap ne yaad dilaya to mujhe yaad aaya
di mu’azzin ne azan vasl ke shab pichale pahar
haye kambakht ko kis waqt khuda yaad aaya
bazm mein un ke sabhi kuch hai magar “dag” nahi
mujh ko wo khana-kharab aj bahut yaad aaya
Poet of the Poem / Ghazal or Nazam : Daag Dehlvi
No comments:
Post a Comment