uzr aane mein bhi hai aur bulate bhi nahi
bais-e-tark-e-mulaqat batate bhi nahi
khub parda hai ke chilaman se lage baithe hain
saf chupate bhi nahi samane aate bhi nahi
ho chuka qata ta’lluq to jafayen kyon hon
jinako matalab nahi rehta wo satate bhi nahi
zist se tang ho ae daag to jite kyon ho
jan pyari bhi nahi jan se jate bhi nahi
Poet of the Poems / Ghazal or Nazam :DaaG Dehlvi
No comments:
Post a Comment