Waqt K Agay Sab Nay..
Qadam Qadam Pe Pehra Hai Khamosh Raho
Sach Kehne Mein Khatra Hai Khamosh Raho
Kis Ne Kis K Ghar Ko Aag Lagai
Be Shak Tum Ne Dekha Hai Khamosh Raho
Apni Apni Soch Mein Sare Galtaan Hein
Kon Kisi Ki Sunta Hai Khamosh Raho
Tum Jane Kis Daor Ki Batein Karte Ho
Piyar Mohbbat Dohka Hai Khamosh Raho
Kaan Pari Awaz Sunai Kia De Gi
Har Su Shor Barasta Hai Khamosh Raho
Apney Paoon Ki Aahat Se Darr Lagta Hai
Charo Aor Andehra Hai Khamosh Raho
Bazaro Mein Sari Chezein Mahngi Hein
Leykin Aadmi Susta Hai Khamosh Raho
Waqt K Agay Sab Ne Gutne Tek Diye
Kon Raees Wadera Hai Khamosh Raho
No comments:
Post a Comment